2026 жылғы 6 ақпанда Technopark аумағындағы meeting room-да Computer Science & Artificial Intelligence факультетінің ұйымдастыруымен бизнесті дамыту және цифрлық трансформация тақырыбында ашық info session өтті.
Іс-шараның негізгі спикері — бизнес-спикер, digital-интегратор және Business Hub стратегиялық серіктесі Абылай Таласбаев болды. Кездесу барысында спикер бизнес-цифрландыру, гранттық бағдарламалар, стартаптарды инкубациялау, сондай-ақ ұзақмерзімді инвестициялық модельдер туралы практикалық тәжірибесімен бөлісті.
Info session студенттер мен жас кәсіпкерлерге бизнес-процестерге IT-шешімдерді енгізу, өсу стратегияларын құру және нақты жобалармен жұмыс істеу бойынша пайдалы білім берді.
Іс-шараға бизнес, стартап, цифрландыру және инвестиция саласына қызығушылық танытқан студенттер қатысты. Қатысушылар спикерге сұрақтар қойып, өз идеяларын талқылауға мүмкіндік алды.
